Сликите зборуваат погласно од било кој збор.

Тажната слика на селската црква во с. Курија

Додека се гордееме со нашата историја и вера, сликите од селската црква во село Курија не покажуваат  слика на вековно опстојување, туку слика на современа негрижа, длабока запоставеност и тотална неодговорност.

Погледнете ја „грижата“ во неколку чинови:

❌ Вратите се затворени, ама негрижата влегува слободно, на влезот не пречекуваат расфрлани цевки и градежен шут.

❌ Додека зад камениот ѕид се наѕира црквата, пред него владее хаос. Сува, непокосена трева виси преку ивичниците, а наоколу е расфрлано ѓубре. Врв на сето тоа се купишта дрва. 

Ова не е само слика за с. Курија, ова е слика за сите нас. Дали е ова неодговорност на локалната заедница? Дали е ова негрижа на надлежните институции? Или пак е запоставеност на нашата свест како поединци? Неприфатливо е едно свето место да биде оставено во ваква состојба, како напуштен објект без сопственик и без историја.

Сликите зборуваат погласно од било кој збор. Ова не е објава за да се посочуваат и бараат виновници, туку за да се разбуди почит и свесност кон сопственото наследство. Наша должност е да го зачуваме она што ни е оставено. Светилиштето во село Курија не заслужува да биде жртва на нашата рамнодушност.